Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони Ҷоми «Журналистони ҷавон – 2019» миёни кормандони Воситаҳои ахбори омма мусобиқаи футболи хурд баргузор менамояд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, мусобиқа бо мақсади дар сатҳи баланд гузаронидани Рӯзи матбуоти тоҷик, ки ҳамасола 11 март таҷлил карда мешавад, сурат мегирад.
Аз ин лиҳоз муассисаву рӯзномаҳо ва ташкилотҳои иттилоотиву хабарнигорӣ метавонанд дар мусобиқа иштирок намоянд.
Муҳлати қабули дархостҳо то 18 феврали соли 2019 муқаррар гардидааст.
Нет комментариев