Дар минтақаи Кӯлоб аз ҷониби кормандони Раёсати стандартизатсия, метрология, сертификатсия ва назорати савдои шаҳри Кӯлоб давоми 4 моҳ тақрибан 31 тонна маҳсулоти пастсифат ва муҳлати истифодааш гузашта мусодира карда шуд.
Ба гуфтаи муовини сардори ин раёсат Олимшо Баҳодурзода, дар ин муддат дар 272 нуқтаи савдо ва хӯроки ҷамъиятӣ санҷишҳои дахлдор гузаронида шуданд. Нисбат ба 211 нафар санадҳои маъмурӣ тартиб дода шуда, ба маблағи 36,888 сомонӣ ҷарима ситонида шуд.
Дар маҷмӯъ, мутахассисони шуъбаи озуқа ва кишоварзии раёсат давоми 4 моҳ 1222 намунаи маҳсулоти хӯрокворӣ ва кишоварзиро аз ташхис гузарониданд.
Манбаъ: АМИТ «Ховар»
Нет комментариев