Дар қароргоҳи СММ дар шаҳри Ню-Йорк Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Раиси Иҷлосияи 71-уми Маҷмааи Умумии СММ Питер Томсон ва Вазири корҳои хориҷии Канада Кристиа Фриланд мулоқот намуд. Зимни мулоқот ҷонибҳо ҳадафҳои мубрами ҳамкории Тоҷикистон бо сохторҳои СММ, аз ҷумла масоили ҷории иқтисодӣ ва иҷтимоиро мавриди баррасӣ қарор дода, оид ба татбиқи Ҳадафҳои Рушди Устувор табодули назар намудаанд. Инчунин дар рафти мулоқот бо Кристиа Фриланд масоили мубрами рушди муносибатҳои дуҷониба ва бисёрҷонибаи Тоҷикистон ва Канада баррасӣ гардида, вобаста ба масъалаҳои марбут ба бозори меҳнат, об ва рушди минбаъдаи робитаҳои иқтисодӣ табодули афкор сурат гирифт.
Манбаъ: АМИТ «Ховар»
Нет комментариев