Журналисти машҳури итолиёвӣ Ҷанлуки Ди Мартсио дар саҳифаи «твиттер»-и хеш хабар додааст, ки ситораи дурахшони дастаи «Пари Сен-Жермен» Килиан Мбаппе тасмими ниҳоӣ гирифтааст, то фаъолияти минбаъдаи варзишии хешро дар ҳайати “Реал Мадрид” пушти сар намояд.
Тибқи маълумоти журналист фаронсавӣ аллакай бо мадридиҳо дар ин бора ба мувофиқа расида, эҳтимол аст, ки то оғози моҳи феврал бо “Реал” қарордод бандад. Ӯ аз байни дастаҳои сершумор маҳз дастаи “шоҳона”-ро интихоб намудааст. Шартномаи феълии фаронсавӣ бо “ПСЖ” то анҷоми мавсими ҷорӣ эътибор дорад. Ҳамин тавр ӯ ба ҳайси футболбози озод ба ҳайати “гаразмониҳо” гузариш мекунад.
Ёдовар мешавем, ки Килиан аз соли 2017 дар дастаи ПСЖ бозӣ мекунад ва қабл аз ин ӯ шарафи “Монако”-ро ҳимоя мекард.
Манбаъ: Варзиш-тв
Нет комментариев