Машъали Бозиҳои олимпии зимистонаи соли 2022 аз Афина ба Пекин интиқол дода шуд. Ҳавопаймо бо ҳайати кумитаи тадорукотии чорабинии дарпешистода 20-уми октябр дар фурудгоҳи байналмилалии Пекин фуруд омад. Як рӯз пеш оташе, ки дар Олимпияи Қадим фурӯзон шуда буд, ба созмондиҳандагони Олимпиадаи Пекин супурда шуд. Маросим дар варзишгоҳи таърихии мармари сафеди «Панатинаикос» баргузор шуда буд. Ёдовар мешавем, ки Бозиҳои олимпӣ дар Чин аз 4 то 20 феврали соли 2022 баргузор мешаванд.
Манбаъ: Варзиш-ТВ
Нет комментариев