Дар маҷлисгоҳи Мақомоти иҷроияи ҳокимияти давлатии шаҳри Хуҷанд бо баргузории як чорабинӣ ба иштирокдорони Ҷанги Бузурги Ватанӣ ва собиқадорони меҳнат мукофотпулиҳои Президенти Ҷумҳурии Тоҷикистон Эмомалӣ Раҳмон, Раиси вилояти Суғд Абдураҳмон Қодирӣ ва раиси шаҳри Хуҷанд Раҷаббой Аҳмадзода супорида шуд.
Ҷамъомадро раиси шаҳри Хуҷанд Раҷаббой Аҳмадзода ифтитоҳ намуда, ҳозиронро бо 70-умин солгарди Иди бузурги Ғалаба табрик намуд.
Баъди табрикоти самимӣ, масъули дастгоҳи иҷроияи Президенти Ҷумҳурии Тоҷикистон ба тамоми иштирокчиёни ҷанг кӯмакпулии Сарвари давлатро ҳар яке дар ҳаҷми 1500 сомонӣ супорид.
Ҳамчунин намояндаи Мақомоти иҷроияи ҳокимияти давлатии вилояти Суғд аз номи Раиси вилояти Суғд Абдураҳмон Қодирӣ ба ҳар иштирокчии Ҷанги Бузурги Ватанӣ ба миқдори 1000 сомонӣ ва ба ҳар собиқадори меҳнати ақибгоҳ ба миқдори 800 сомонӣ кумакпулии яквақтаро супорид.
Аз ҷониби мақомоти иҷроияи ҳокимяти давлатии шаҳри Хуҷанд низ барои иштирокчиёни Ҷанги Бузурги Ватанӣ 500 сомонӣ ва меҳнаткашони ақибгоҳ 200 сомонӣ тақдим карда шуд.
Дар ин бора sugd.tj хабар медиҳад.
Иди галаба муборак бошад, хамдиёрони азиз! Мо хеч гох чонбозихои бобоёнамонро, ки бахри хаёти осудаи мо кардаанд фаромуш намекунем.