Ҳамлагари дастаи «ПСЖ» ва тими мунтахаби Фаронса – Килиан Мбаппе гирифтори бемории коронавирус шудааст. Ҳамлагари 21-сола дар бозиҳои Лигаи Миллатҳо ба ҳайати тими миллии кишвараш даъват шуда буд. Аз сабаби натиҷаи мусбии санҷиш, ӯ дар бозӣ бар муқобили Хорватия вориди майдон намешавад.
Мбаппе аввалин футболбози «ПСЖ» нест , ки ба ин вирус гирифтор шудааст. Пештар хабар дода шуда буд , ки Неймар, Мауро Икарди, Анхел Ди Мария, Леандро Паредес ва боз ду бозигари дигари «ПСЖ», ки номашон ифшо нашудааст, мубталои COVID-19 гардидаанд. Аз ин сабаб, баргузории бозии байни парижиҳо ва «Ланс», ки рӯзи 10 сентябр дар назар аст, зери суол аст.
Бо сабаби иштирок дар финали Лигаи Чемпионҳо , «ПСЖ» дар Лигаи 1, ки ду давр аллакай гузаштааст, то ҳол ягон бозӣ накардааст.
Нет комментариев