Имрӯз дар бораи ҳунари кешбофӣ сухан хоҳем гуфт.
КЕШБОФӢ ё худ ТӮРБОФӢ – ҳунари хеле қадима буда, гузаштагони мо бо ин ҳунар машғул буданд.
ТӮРБОФӢ – бо кашак (крючок) бофтан аст. Барои бо кашак бофтан аз ресмонҳои пашмин, абрешимин, пахтагин ва ғайра истифода бурдан мумкин аст.
Одатан, сарулибосро аз ресмонҳои сусттофта, дастархон, сачоқ ва сумкаро аз ресмонҳои сахттофта мебофанд. Шакли зарурии ҷузъҳо тавассути каму зиёд кардани ҳалқаҳо, зич ё сусттар бофтан (вобаста ба ғафсӣ ва борикии кашаку ресмон) мувофиқи андоза ё ченак таъмин мегардад.
Яке аз ҳунармандони асил, бахусус бонуи чирадасти тоҷик, устоди даҳҳо шогирдон, гирандаи Гранти Раиси шаҳр дар соли 2016, роҳбари сехи дӯзандагии «Ганҷи ҳунар» Маҳзунахон Наманова аз кешбофони маъруф ба шумор меравад. Маълумоти дар боло овардашударо ин зани боистеъдод пешниҳод намуд.
Медиапортали «Тироз»
Нет комментариев