Алимиҳа Сейти, ки зани пиртарини сайёра маҳсуб меёбад, 131-солагии худро қайд кардааст. Хадамоти иттилооти Хитой хабар медиҳад, ки Алимиҳа Сейти (Alimiha Seiti) 25 июни соли 1886 ба дунё омада, аллакай соҳиби 56 насл гаштааст.
Алимиҳа дар қисмати ғарбии кишвари Хитой умр ба сар мебарад. Ин кампири хушбахт зиёфату меҳмондориро дӯст медорад ва аксаран ҳангоми болида будани табъаш суруд мехонад.
Ҷамъияти геронтологии кишвари Хитой соли 2013 Алимиҳаро шахси пиртарини кишвар эълон намудааст. ВАО-и давлати Хитой навиштаанд, ки зани дарозумр ба саломатиаш ягон шикояте надорад, аммо нагуфтанд, ки вай чӣ тавр 131-солагиашро таҷлил намуд.
Вале намояндагони китоби рекордҳои Гиннес (Guinness World Records) зани дигар — Жанна Калманро зани пиртарин мешуморанд.
Ин бонуи франсуз 21-уми феврали соли 1875 дар шаҳри Арли Франсия таваллуд шуда, 122 солу 164 рӯз умр дидааст. Таърихи вафоташ — 4-уми августи соли 1997 (шаҳри Арли Франсия) мебошад. Бо шавҳараш Фернанд Калма хушбахтона зиндагонӣ кардааст.
Нет комментариев