10 нафар ҳунармандон ва ҳунарпешагони тоҷик дар Фестивали байналмилалии «Сураҷкунд Мела», ки дар иёлоти Ҳарянаи Ҷумҳурии Ҳиндустон 2 феврали соли 2018 оғоз гардида буд, иштирок доранд. Фестивали мазкур бузургтарин намоишгоҳи рақс ва ҳунарҳои мардумӣ дар Ҳиндустон мебошад. Рақс ва ҳунарҳои мардумии миллати тоҷикро дар ҷашнвора 5 нафар ҳунарпешагони рақс аз Ансамбли «Ҷаҳоноро»-и Иттиҳодияи давлатии гурӯҳҳои эҷодию консертӣ ва панҷ нафар ҳунармандон аз ВМКБ, Суғд, Хатлон, Ҳисор ва Душанбе муаррифӣ хоҳанд кард. Ҳунармандон намунаҳои ҳунарҳои қолинбофӣ, чармгарӣ , заргарӣ, муҳрабофӣ, дӯзандагӣ, бофандагӣ, тоқидӯзӣ, гулдӯзӣ, зардӯзӣ, кулолгарии тоҷикро ба маърази меҳмонони намоишгоҳ мегузоранд. Ҷашнвора то 18 феврали соли 2018 идома меёбад.
Манбаъ: сомонаи расмии Вазорати Фарҳанги ҶТ
Нет комментариев