Интихоботи навбатии Президенти Ӯзбекистон 24 октябри соли 2021 доир мегардад. Тавре АМИТ «Ховар» иттилоъ медиҳад, дар ин бора 2 феврал ТАСС бо истинод ба муовини аввали раиси Палатаи қонунгузор (палатаи поён)-и парламенти Ӯзбекистон Акмал Саидов хабар дод.
«Тибқи лоиҳаи қонуне, ки Палатаи қонунгузор омода кардааст, интихоботи навбатии президентӣ на рӯзи якшанбеи даҳаи сеюми моҳи декабри соли 2021, балки 24 октябри соли равон доир мегардад. Интизор меравад, ки 5 феврал лоиҳаи қонуне, ки Палатаи қонунгузор омода кардааст, аз ҷониби Сенати (палатаи болоӣ — тавзеҳи ТАСС) парламент тасдиқ карда шавад», — гуфт А.Саидов.
Манбаъ: АМИТ «Ховар»
Нет комментариев