Миёни Палатаи савдо ва саноати вилояти Суғд ва Палатаи савдои шаҳри Қунияи Ҷумҳурии Туркия созишномаи ҳамкорӣ ба имзо расонида шуд.
Зери созишнома омири кулли Палатаи савдо ва саноати вилояти Суғд Муҳаммадҷон Муҳаммадҷонов ва раиси Палатаи савдои шаҳри Қуния Селчуқ Узтурк имзо гузоштанд.Ҷонибҳо ҳамзамон оид ба рушди ҳамкориҳо байни соҳибкорони вилоятҳо ва ташкили сафари ҳайати тиҷоратии иқтисодии шаҳри Қуния ба вилояти Суғд ибрози назар карданд.
Ёдовар бояд шуд, ки гуруҳи соҳибкорони тоҷик дар 20-умин Намоишгоҳи байналмилалии гармхонаҳо, технологияҳои кишоварзӣ ва чорводорӣ — “Growtech 2021”, ки санаҳои 24-27 ноябр дар Анталия доир гардид, иштирок намуданд.
Манбаъ: Хадамоти матбуоти Раиси вилояти Суғд
Нет комментариев