02-юми октябр бозии даври 16-уми Чемпионати Тоҷикистон оид ба футбол миёни дастаҳои “Истаравшан”-и шаҳри Истаравшан ва “Истиқлол”-и шаҳри Душанбе доир шуд.
Вохӯрии дастаҳо дар варзишгоҳи “Истаравшан Арена”-и шаҳри Истаравшан дар ҳузури 8 ҳазор нафар мухлис баргузор гардида, бо ҳисоби 1 бар 1 мусовӣ анҷом ёфт.
Қисми аввали бозӣ мусовӣ 0 бар 0 ба поён расид. Дар қисми дуюми бозӣ Амирҷон Сафаров дар дақиқаи 55-уми бозӣ хати дарвозаи Рустам Ятимовро рахна кард ва истаравшаниҳоро ба пеш баровард. Дар дақиқаи 90+3 ҳамлагари аргентинии дастаи “Истиқлол” – Гонсалло Ритакко бо як голи ҷолибу боварнокардании хеш ҳисобро 1 бар 1 кард. Ҳамин тавр бозии марказии даври 16-уми Лигаи Олӣ миёни “Истаравшан” ва “Истиқлол” мусовӣ 1 бар 1 ба фарҷом расид.
Ёдовар мешавем, ки бозии аввал миёни ду бошгоҳи оштинопазир дар Душанбе бо ҳисоби 3 бар 0 ба нафъи “Истиқлол” анҷом ёфта буд.
Дар ҷадвали мусобиқа ҳоло “Истиқлол” бо 14 бозии анҷом додааш 31 имтиёз ба даст оварда, садрнишин мебошад. Дар зинаи дуюм “Равшан”-и шаҳри Кӯлоб бо 27 имтиёз бо 16 бозии анҷом дода, маскан гирифтааст. “Истаравшан” бо касби 19 имтиёз дар зинаи 7-ум мавқеъ гирифтааст.
Лигаи Олӣ | Даври 16-ум
“Истаравшан” 1:1 “Истиқлол”
Голҳо: Амирҷон Сафаров, 55 (1:0). Гонсало Ритакко, 90+3 (1:1).
Шаҳри Истаравшан, варзишгоҳи «Истаравшан Арена», 8000 тамошобин
Манбаъ: Варзиш-ТВ
Нет комментариев