Бо мақсади тарғиби фарҳанги либоспӯшии миллӣ, боло бурдани завқи зебоипарастӣ ва дастгирии истеҳсолкунандаи ватанӣ дар шаҳри Хуҷанд Фестивал — озмуни «Либосҳои миллӣ» баргузор гардид.
Дар Фестивал — озмуни мазкур 20 нафар тарроҳ-дизайнерон иштирок намуда, маҳсули ҳунари худро ба намоиш гузоштанд.
Ҳайати босалоҳияти ҳакамон аз рӯи панҷ намуд — «Беҳтарин либоси кўдакона», «Беҳтарин либоси рўзмарра барои ҷавонон ва миёнсолон», «Беҳтарин либоси расмӣ барои ҷавонон ва миёнсолон», «Беҳтарин либоси миллии қадима», «Беҳтарин либоси идона» либосҳои дӯхтаи тарроҳон ва дӯзандагонро баҳогузорӣ намуданд ва ба ғолибон тӯҳфаҳои хотиравӣ тақдим шуд.
Дар ин бора аз Хадамоти матбуоти Раиси вилояти Суғд хабар доданд.
Нет комментариев