Аз ҷониби мутахассисони Facebook технологияи наве ихтироъ карда шуд, ки он имконияти муайян намудани шахсияти инсонро медиҳад, ҳатто агар дар акс чеҳраи шахс ноаён бошад. Барои муайян кардани шахсият тафсилоти дигар истифода бурда мешавад: мӯй, либос, имову ишора ва қаду қомат.
Зеҳни сунъӣ аксҳоеро, ки дар сомонаи Flickr ҷой дода шуда буд, таҳлил намуд.
Барои ба даст овардани сатҳи қобили қабули шинохт, ба ӯ дида баромадани 40 000 тасвир кифоя буд. Натиҷа муайянкунӣ аллакай ҳайратангез аст. Компютер одамро, гарчанде симои ӯ ноаён бошад ҳам (аз як тараф ё аз қафо), дар зиёда аз 80% -и ҳолатҳо хоҳад шинохт. Занҷираҳои нейронӣ қобилияти омӯхтанро доранд. Чӣ қадаре ҷараёни омӯзиш идома ёбад, ҳамон қадар хулосаҳои дақиқ ҳосил мегарданд.
Лозим ба ёдоварист, ки қаблан Facebook системаи мубориза бо спамро, ки ба он олими фаронсавӣ Ян Лекун (Yann LeCun) саҳми худро гузоштааст, муррифӣ намуда буд.
Маҳз дар Париж Facebook озмоишгоҳи зеҳни сунъиро таъсис додааст, ки ба шабакаи иҷтимоӣ имконияти баланд бардоштани сифати таҳлили тасвирҳои графикиро хоҳад дод.
Сарчашма: http://www.gizmonews.ru/
Нет комментариев