Тоҷикистон ва дигар кишварҳои Осиёи Марказӣ шаби 27-уми июл беҳтарин гӯшаи ҷаҳон барои мушоҳидаи гирифтани пеши моҳ хоҳанд буд. Ба гуфти ситорашиносон, гирифтани моҳ имсол дарозтарин дар асри 21 хоҳад буд ва бештар аз 1 соату 40 дақиқа давом мекунад.
Гирифтани моҳ падидаи нодири кайҳонист ва замоне сурат мегирад, ки Замин аз байни Офтоб ва Моҳ ҳаракат мекунад ва Шумо сояи курраи заминро дар рӯи Моҳ мебинед ва ё ба гуфти мардум «моҳ месӯзад». Агар гирифтани офтобро тариқи шишаи сиёҳ мушоҳида кунанд, гирифтани моҳро бо чашми оддӣ, бе зарар ба чашм мушоҳида намудан мумкин аст.
Шумо метавонед ин ҳодисаи нодири кайҳониро, ки моҳи пурра “месӯзад” пас аз соати 23 мушоҳида кунед ва онро наворбардорӣ намоед.
Манбаъ: Тоҷикистонтаймс
Нет комментариев