Дар доираи бозиҳои даври 10-уми чемпионати Англия дастаҳои “Манчестер Юнайтед” ва “Манчестер Сити” ба ҳам омаданд. Вохӯрии дастаҳо дар варзишгоҳи “Олд Траффорд” дар ҳузури 73 502 нафар мухлис баргузор гардида, бо ҳисоби 0 бар 3 ба суди “шаҳриҳо” анҷом ёфт.
Голҳоро аз ҳайати дастаи “Манчестер Сити” – Эрлинг Ҳоланд ду маротиба ва Фил Фоден ба самар расониданд. Ҳоланд беҳтарин бозигари вохӯрӣ дониста шуд. Ӯ дар ин бозӣ дубл карда, боз ба Фоден ирсоли головар анҷом дод.
Бо ин ғалаба дастаи “Манчестер Сити” бо 24 имтиёз дар зинаи сеюм аст. “Манчестер Юнайтед” бо 15 имтиёз дар ҷои 8-ум мавқеъ гирифтааст. “Тоттенхэм” бо 26 имтиёз пешгоми ҷадвали мусобиқот мебошад.
Манбаъ: Варзиш-ТВ
Нет комментариев