Пахтакорони вилояти Суғд бо истифода аз рӯзҳои офтобии фасли тирамоҳ ба ҷамъоварии ҳосили хеш талош доранд.
Тибқи маълумотҳои фаврӣ то ба санаи 10 октябр кишоварзони навоҳии вилоят наздик 60 ҳазор тонна пахта ҷамъоварӣ намудаву онро ба хирман супоридаанд, ки ин ба 58, 7 фоизи дурнамои истеҳсоли пахта баробар аст. Ба ҳисоби миёна дар вилоят ҳамарӯза қариб 2 ҳазор тонна “тиллои сафед” ҷамъоварӣ мегардад.
Дурнамои истеҳсоли пахта дар вилоят соли равон беш аз 101 ҳазор тонна муайян шудааст.
Нет комментариев