дар Мақомоти иҷроияи ҳокимияти давлатии вилояти Суғд таҳти раёсати муовини Раиси вилоят Заробиддин Файзуллозода бо иштироки муовинони соҳавии раисони шаҳру ноҳияҳои вилоят машварати корӣ доир гардид.
Дар машварат асосан фаъолияти корхонаҳое, ки дар ҳафтмоҳаи соли равон ҳаҷми истеҳсоли маҳсулоти саноатиро коҳиш додаанд, мавриди баррасӣ қарор дода шуд.
Чуноне иттилоъ дода шуд, дар ин давра ҳаҷми истеҳсоли маҳсулоти саноатӣ дар вилоят ба 2,4 миллиард сомонӣ баробар гардида, дар нимсолаи аввал 76 корхонаи нави саноатӣ ба истифода дода шуд. Новобаста аз таваҷҷӯҳи рӯзафзун ба ин соҳа дар ин давра дар шаҳру ноҳияҳои вилоят 52 адад корхонаҳои саноатӣ ба ақибмонӣ дар истеҳсолот роҳ додаанд. Дар машварат аз муовинони соҳавии раисони шаҳру ноҳияҳо пурсиш ба амал оварда шуда, ҷиҳати ҳалии мушкилоти мавҷуда дастурҳои мушаххас дода шуд.
Ҳамзамон ба масъулин супориш дода шуд, ки барои бунёди корхонаҳои нави саноатие, ки тибқи нақшаи чорабиниҳо бояд соли ҷорӣ бунёд шаванд, чораҳои амалӣ андешида шаванд.
Дар ин бора http://sugd.tj/tj/navidi-sugd/5192-sanoat.html хабар медиҳад.
Нет комментариев