Дастаи “Арсенал”-и шаҳри Лондон бар дастаи “Реал Мадрид” бо ҳисоби умумии 5 бар 1 ғалаба кард ва ба даври нимниҳоии Лигаи Чемпионҳо роҳ ёфт. Дастаи “Арсенал” аввалин бор пас аз мавсими 2008/2009 дар ин марҳилаи мусобиқа бозӣ мекунад.
Ҳамон мавсим, “Арсенал” таҳти роҳбарии Арсен Венгер дар ҳамин марҳилаи мусобиқа аз “Манчестер Юнайтед” бозиро бохта буд. (0:1, 1:3). “Арсенал” танҳо як маротиба дар финали Лигаи Чемпионҳо бозӣ кардааст, ки соли 2006 муқобили “Барселона” буд.
Онҷо дастаи шаҳри Лондон бо ҳисоби 1 бар 2 аз “Барселона” мағлуб шуда буд. Зимнан, чунин бозии ҳалкунанда дар финали Лигаи Чемпионҳо имсол низ метавонад, ки рӯй диҳад, агар рақибон мутаносибан бар “ПСЖ” ва “Интер” пирӯз шаванд.
Ёдовар мешавем, ки бозии аввали марҳилаи нимниҳоӣ миёни дастаҳои “Арсенал” ва “ПСЖ” рӯзи 29-уми апрел дар Лондон ва бозии ҷавобӣ 6-уми май дар Париж баргузор мешавад.
Манбаъ: Варзиш-ТВ
Нет комментариев