Бо мақсади таъмини иҷрои Фармони Президенти Ҷумҳурии Тоҷикистон аз 19 декабри соли 2017, № 968 “Дар бораи ҷашни 30-солагии Истиқлолияти давлатии Ҷумҳурии Тоҷикистон” ва баҳри бо дастовардҳои арзанда истиқбол гирифтани ин санаи таърихӣ қарорҳои Раиси вилоят аз 21 феврали соли 2018, №51 “Дар бораи ҷашни 30-солагии Истиқлолияти давлатии Ҷумҳурии Тоҷикистон” ва аз 14 марти соли 2018, №89 “Дар бораи эълон намудани 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон” ба тасвиб расида, нақшаи чорабиниҳо таҳия шудааст.
Тибқи нақшаи чорабиниҳои мазкур дар вилоят беш аз 6500 иншооти бунёд карда мешавад. Дар соли 2019 бошад бунёди 2018 иншоот пешбинӣ ва давоми се моҳ 848 иншоот мавриди истифода қарор гирифт, ки баробари 42,0 фоизи нақшаи солона мебошад.
Аз оғози соли 2018 то имрӯз бошад беш аз 2200 иншооти гуногун бунёд ва мавриди баҳрабардорӣ қарор дода шуд.
Манбаъ: Хадамоти матбуоти Раиси вилояти Суғд
Нет комментариев