25 декабр пас аз ҷамъбасти ҷаласаи Шӯрои соҳибкорӣ ва сармоягузории назди Раиси вилояти Суғд аз ҷониби Раиси вилояти Суғд Раҷаб Аҳмадзода ва Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода як қатор соҳибкорон қадрдонӣ карда шуданд.
Ба соҳибкорон барои фаъолияти назаррас, ноил гардидан ба нишондиҳандаҳои баланди меҳнатӣ, саҳми шоиста дар рушду нумӯи иқтисодиёту иҷтимоиёт ва ободонии Тоҷикистони азиз, инчунин барои ҷамъбасти бомуваффақияти соли 2025 Сипосномаи Мақомоти иҷроияи ҳокимияти давлатии вилояти Суғд ва вимпели ифтихории «Соҳибкори сол – 2025» супорида шуд.
Зикр гардид, ки дастгирии давлатии соҳибкорӣ яке аз самтҳои афзалиятноки сиёсати иҷтимоию иқтисодии кишвар ба ҳисоб рафта, саҳми соҳибкорон дар таъсиси ҷойҳои нави корӣ, афзоиши ҳаҷми истеҳсолот, ҷалби сармоя ва баланд бардоштани сатҳи зиндагии аҳолӣ назаррас мебошад.
Хадамоти матбуоти
Раиси вилояти Суғд
Нет комментариев