Дар доираи Солҳои рушди саноат (2022-2026) дар Ҷумҳурии Тоҷикистон дар шаҳри Гулистони вилояти Суғд корхонаи саноатӣ оид ба истеҳсоли рангҳо ва хокаи ороишию пардоздиҳии «Тиглат» бунёд карда мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Дар айни замон сохтмони биноҳои ёрирасон ва васлу насби дастгоҳҳои муосир ҷараён дошта, баробари фаъол гардидани корхона 70 нафар бо ҷойи кор таъмин мегарданд. Таҷҳизоти нави корхона аз Чин ва Туркия ворид шуда, тамоми раванди истеҳсолот мутобиқ ба талабот ва меъёрҳои соҳа амалӣ мешавад.
Бояд гуфт, ки рушди соҳаи саноат дар мамлакат ва бунёди корхонаҳои саноатӣ яке аз ҳадафҳои стратегии Ҳукумати Ҷумҳурии Тоҷикистон мебошад.
Манбаъ: АМИТ «Ховар»
Нет комментариев