Дар шашмоҳаи якуми соли равон дар шаҳру ноҳияҳои вилояти Суғд 25 иншооти варзишӣ ба истифода дода шуд.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, аз 25 иншооти варзишӣ 7-тои он толори варзишӣ, 1 ҳавзи шиноварӣ, 1 маҷмааи варзишӣ ва 16 майдончаи варзишӣ аз ҳисоби буҷети маҳаллӣ ва соҳибкорон сохта мавриди истифода қарор дода шудааст.
Мувофиқи маълумоти оморӣ, дар вилоят 2 ҳазору 905 иншооти варзишӣ новобаста аз шакли моликияташон ба қайд гирифта шудааст. Аз ин 49 варзишгоҳ, 2008 майдончаи варзишӣ, 640 толори варзишӣ, 40 ҳавзи шиноварӣ, 8 маҷмааи варзишӣ ва 160 иншооти махсуси варзишӣ, аз қабили тир, боулинг, фитнес ва клубҳои ихтиёрӣ мебошанд.
Манбаъ: АМИТ «Ховар»
Нет комментариев