Давоми 11 рӯз Марокаш мизбони Ҷоми ҷаҳонии футболи бошгоҳҳо хоҳад шуд. Дар он 6 бошгоҳи манотиқи мухталифи ҷаҳон — ғолибони конфедератсияҳои футболи худ, инчунин тими кишвари мизбони мусобиқот ширкат мекунанд.
Имрӯз дар Марокаш бозиҳои аввали мусобиқоти қаҳрамонии ҷаҳон байни бошгоҳҳо оғоз мешавад. Дар мусобиқаи мазкур ҳамагӣ 6 даста — “Реал Мадрид” аз Испания, “Фламенго”аз Бразилия, “Окленд Сити” аз Зеландияи Нав бо “Ал-Аҳли” аз Миср, “Сиэтл Саундерс” аз Амрико, “Видад” аз Марокаш ва “Ал-Ҳилол” аз Арабистони Саудӣ иштирок мекунанд.
Рӯзи 11 –уми феврал финали мусобика барпо мегардад. Худи ҳамон рӯз бозӣ барои ҷои 3-юм баргузор мешавад, ки дар он ду дастаи дар даври нимниҳоӣ мағлуб шуда, байни худ қавитаринро муайян мекунанд.
Фаворити Ҷоми ҷаҳонии бошгоҳҳои ФИФА ин дастаи “Реал Мадрид” мебошад, ки аллакай 4 маротиба дар ин мусобиқа ғолиб шудааст. Ғолиби қаблии мусобиқа дастаи “Челси” маҳсуб мешавад.
Манбаъ: Варзиш-ТВ
Нет комментариев