Бахши Агентии меҳнат ва шуғли аҳолӣ дар шаҳри Истиқлол дар якҷоягӣ бо Шӯрои иттифоқҳои касабаи шаҳр доир ба муносибатҳои меҳнатӣ, бастани созишномаҳои соҳавӣ, шартномаҳои коллективӣ ва бақайдгирии саривақтии онҳо семинари дастурдиҳӣ баргузор кард.
Дар семинар оид бамасъалаҳои тартиби қабул ба кор ва азкорхориҷкунӣ, кафолатнокии пардохти музди меҳнат ва ҷубронпулӣ, вақти корӣ, вақти дамгирӣ, ҳифзи меҳнат, такмили ихтисоси кадрҳо, кафолатҳои фаъолиятӣ, ҳуқуқҳои кумитаи иттифоқҳои касаба, хизматрасонии тиббӣ ва иҷтимоӣ ба кормандон ва мӯҳлатҳои шартномаҳои коллективӣ маълумот дода шуд.
Дар охир саволу ҷавоб байни иштирокчиён ва ташкилкунандагонисеминар баргузор гардида, иштирокчиён ба суолҳои худ посухҳои қаноатбахш гирифтанд.
Манбаъ: Хадамоти матбуоти Раиси вилояти Суғд
Нет комментариев