Аз 19 то 29 январ шаҳри Душанбе мизбони Чемпионати CAFA-2022 оид ба футзал миёни дастаҳои миллии бонувон мегардад. Дар он чор дастаи мунтахаби минтақа, аз ҷумла Тоҷикистон, Эрон, Узбекистон ва Қирғизистон байни ҳам рақобат мекунанд, иттилоъ медиҳад АМИТ «Ховар» бо истинод ба сомонаи Кумитаи миллии олимпии Тоҷикистон.
Дастаи мунтахаби Тоҷикистонро ба ин мусобиқа сармураббӣ Шамшод Ниятбеков омода месозад.
Мавриди зикр аст, ки Чемпионати CAFA-2022 оид ба футзал миёни бонувон тибқи системаи даврӣ дар ду давр доир мешавад ва ҳар даста шаш бозӣ анҷом медиҳад. Дастае, ки холи бештар ба даст меорад, ғолиб мегардад.
Макони баргузории бозиҳо дар Маҷмааи варзишии Қасри теннис ва варзишҳои обии шаҳри Душанбе дар назар дошта шудааст.
Манбаъ: АМИТ «Ховар»
Нет комментариев