Дар мақомоти иҷроияи ҳокимияти давлатии ноҳияи Спитамен бо фаъолияти «Равзанаи ягона» — усули нави қабули шаҳрвандон дар мақомоти иҷроияи маҳаллӣ шинос гардид. Тавре аён гардид, дар бинои мақомоти иҷроияи ҳокимияти давлатии ноҳияи Спитамен барои қабули шаҳрвандон шароитҳои зарурӣ фароҳам оварда шудааст. Дар ошёни якуми бинои мақомоти иҷроияи маҳаллӣ кормандони мақомоти иҷроияи ҳокимияти давлатии ноҳия дар утоқҳои боз ба таври шаффоф шаҳрвандонро қабул менамоянд. Дар ин утоқҳо, ки бо истифода аз усулҳои замонавии меъморӣ дар толор ҷойгир карда шудаанд, 28 нафар кормандони шӯъбаву бахшҳои гуногун шаҳрвандонро қабул менамоянд. Таъкид карда шуд, ки пас аз фаъол гардидани усули нави қабули шаҳрвандон онҳо метавонанд дар тамоми рӯзҳо ба роҳбарияти ноҳия муроҷиат намоянд.
Нет комментариев