Дар як қатор ноҳияҳои вилояти Суғд аксияи “16 Рӯз алайҳи хушунат” баргузор гардида, масъулини мақомотҳои давлатӣ ва ташкилотҳои ҷамъиятӣ бо занони минтақаҳои гуногун мулоқотҳо доир намуданд.
Аз ҷумла дар дар бинои Коллеҷи тиббии ноҳияи Спитамен бо иштироки зиёда аз сад нафар донишҷӯёну фаолзанҳо, намояндагони ташкилоту идораҳо аксияи мазкур таҳти шиори «Оила — макони меҳру муҳаббат» баргузор гардид. Дар доираи аксия дар Маркази саломатии ноҳияи Ғончӣ низ вохӯрии фаъолзанон бо донишҷӯдухтарони филиали ғончигии Коллеҷи тиббии шаҳри Истаравшан баргузор гардид. Зимни мулоқот мудири шӯъбаи кор бо занон ва оилаи мақомоти иҷроияи ҳокимияти давлатии ноҳияи Ғончӣ Зебӣ Азимова дар бораи маъракаи иттилоотии “16 Рӯз алайҳи хушунат” ва пешгирии хушунат дар оила ба донишҷӯён маълумот дод. Дар ин бора аз Хадамоти матбуотии раиси вилоят хабар медиханд.
Нет комментариев