Фаррух Амонатов, шоҳмотбози беҳтарини тоҷик, дар сабқати байналмилалӣ дар шаҳри Таганроги Русия мақоми аввалро соҳиб шудааст.
Тибқи иттилои Федератсияи шоҳмоти Русия дар ин сабқати блитси шоҳмотбозӣ ба хотири Владимир Дворкович, ки 17-уми январ анҷом ёфтааст, Амонатов аз 11 холи имконпазир 9 холро гирифта, соҳиби ҷои аввал шудааст. Мақоми дуюмро Сергей Волков аз Русия ва сеюмро Геннадий Матюшин аз Украина гирифтаанд.
Ба иттилои манбаъ Амонатов инчунин дар марҳилаи аввали сабқат барои Ҷоми Русия, ки 19-уми январ оғоз шудааст, пирӯз гардидааст.
Фаррух Амонатови 37-сола дар ҳоли ҳозир беҳтарин шоҳмотбози Тоҷикистон арзёбӣ мешавад. Ӯ дар раддабандии шоҳмотбозҳои беҳтарини феълии Осиё дар мақоми 31 ва дар ҷаҳон дар мақоми 244-ум қарор дорад.
Манбаъ: http://www.ozodagon.com/
Нет комментариев