Шабнами Сурайё, овозхони 38-солаи тоҷик дар саҳифаи Инстаграми худ хабар додааст, ки атрсозони Фаронсаву Олмон бо номи ӯ атри занона истеҳсол кардаанд.
Атр “Shabnam Surayo Exclusive Perfume” ном гирифта, аз ҷониби атрсозони Фаронсаву Олмон дар ҳамкорӣ бо ширкати “MINO Handels GmbH” истеҳсол шудааст. Нархи атр дар сомонаи www.ss-beauty.de, ки ба худи овозхон мутааллиқ аст, 89 евро (зиёда аз 1000 сомонӣ) гуфта шудааст.
“Акнун Шабнами Сурайё нафас-нафас дар канори шумост. Дар димоғу пироҳани шумост. Атри хушбӯи “Shabnam” бренди ҷадидест, ки аз ҷониби атрсозони Фаронса ва Олмон дар ҳамкорӣ бо ширкати “MINO Handels GmbH” дар шаҳри Берлин истеҳсол шуд”,-навиштааст овозхон дар саҳифаи Инстаграми худ ва чанд акси онро нашр кардааст.
Бори аввал нест, ки ин оилаи ҳунарманду маъруф ба номи худ ин ё он маҳсулотро истеҳсол мекунанд. Қаблан ҳам ширкати “NURABIS”, ки асосан ба истеҳсоли нӯшокиҳои спиртӣ машғул аст, бо номи Фарзонаи Хуршед, хоҳари Шабнами Сурайё коктейли “Farzona Khurshed”-ро омодаву ба фурӯш гузошта буд.
Манбаъ: https://oila.tj/news/faronsavu-olmon-atri-shabnam-surayo-istesol-kardand
Нет комментариев