Гурбаи сиёҳ бо номи Радеменес ба паногоҳи ҳайвоноти Полша соли 2014-ум оварда шудааст. Он вақт ин гурбача ҳамагӣ 2 моҳа буд ва ҳангоми ташхиси тиббӣ муайян карда шуда буд, ки қисми болоии роҳҳои нафаскашии гурба шамол хӯрдааст.
Ҳолати гурбача хело вазнин буд. Вале гурбача Радеменес бо ҳаёти худ сахт мубориза бурда, дар натиҷа аз бемориаш шифо ёфт.
Бо баробари сиҳат ёфтани худ, гурбача ғамхорӣ карданро аз болои дигар ҳайвоноти паногоҳ, новобаста аз саг ё гурба будани онҳо, оғоз кард.
Духтурони ҳайвонот нақл мекунанд, ки бо баробари дар паногоҳ пайдо шудани ягон ҳайвони дигари бемор, гурба Радеменес ба наздаш меравад ва кӯшиш мекунад, ки онро ба оғӯш гирад, гарм кунад ва ҳатто гӯшҳояро мелесад.
Мо бовар дорем, ки некӣ бояд ҳамин гуна бошад!
Имрӯзҳо гурба Радеменес тилисми асосии паногоҳ барои ҳайвоноти шаҳри Бидгоши Полша мебошад.
Нет комментариев