Палатаи савдо ва саноати Ҷумҳурии Тоҷикистон тасмим гирифтааст, ки 25 феврали соли равон дар Душанбе бо баргузории нишасти хабарӣ муаррифии марказҳои навтаъсиси пешбурди тиҷорати назди Палатаи савдо ва саноати кишварро доир намояд. Аз Палатаи савдо ва саноати ҷумҳурӣ иттилоъ доданд, ки ин марказҳои навтаъсис дар доираи лоиҳаи “Мусоидат ба тиҷорат”-и Барномаи рушди Созмони Миллали Муттаҳид, ки аз тарафи Ҳукумати Финландия маблағгузорӣ мегарданд, фаъолият доранд.
Интизор меравад, ки кормандони марказҳои навтаъсис дар чорабинӣ хабарнигоронро бо мақсаду вазифаҳо ва фаъолияти марказҳои мазкур ва ҳамчунин нақшаю натиҷаҳои назаррас дар самти боло бурдани неруи тиҷоратии корхонаҳои истеҳсолӣ ошно хоҳанд сохт. Дар ин бора khovar.tj хабар медиҳад.
Нет комментариев