Бахшида ба Рўзи Президенти Ҷумҳурии Тоҷикистон ва Рўзи Парчами давлатӣ дар толори варзишии “Ҷашнӣ”-и шаҳри Хуҷанд мусобиқаи кушоди шаҳри Хуҷанд оид ба каратэ-до (WKF) байни кўдакон, наврасон ва ҷавонон баргузор гардид.

Мусобиқа бо мақсади тарғибу ташвиқи каратэ байни кўдакон, наврасон ва ҷавонон, баланд бардоштани маҳорати касбии варзишгарон, мустаҳкам намудани дўстӣ байни варзишгарон, ҷалб намудани наврасону ҷавонон ба варзиш сурат гирифта, дар он 236 нафар варзишгарон аз шаҳру ноҳияҳои Хуҷанд, Конибодом, Бобоҷон Ғафуров, Спитамен ва Ҷаббор Расулов иштирок намуданд.

Пас аз қувваозмоиҳо ғолибони мусобиқа муайян гардида, дар охир ба онҳо аз ҷониби Бахши кор бо ҷавонон ва варзиши шаҳри Хуҷанд ҷом, медал ва диплом тақдим карда шуданд.

Манбаъ: Варзиш ТВ