Конфронси САҲА бо номи «Дастрасӣ ба иттилоот: андозагирии пешрафт дар 250 сол» дар шаҳри Венаи Утриш ба кори худ оғоз кард, ки дар он ҳамчунин вазъи воқеӣ ва масоили амалии дастрасӣ ба иттилоот дар Тоҷикистон ҳам муаррифӣ ва баррасӣ мешавад.
Дар ин конфронс, ки ҳафтаи равон ҷараён хоҳад дошт, вазъи дастрасӣ ба иттилоъ дар ҷаҳон баъди пазируфтани аввалин қонун дар ҷаҳон дар умури озодии матбуот дар Шветсия баррасӣ мешавад.
Тавре Иршод Сулаймонӣ, хабарнигори “Озодагон” аз ин конфронс хабар медиҳад, ҳайати рӯзноманигорони мустақили Тоҷикистон дар ин конфронс ҳолати воқеӣ ва мушкилоту чолишҳои дастрасӣ ба иттилоот дар Тоҷикистонро матраҳ мекунанд. Дар қисмати муқаддимавии конфронс зикр шуд, ки бо гузашти 250 сол ҳанӯз ҳам масьалаи дастрасӣ ба иттилоъ яке аз мушкилоти мубрами фаьолияти расонаҳо мебошад ва барои озодии баёну ҳисоботдеҳии ҳукумат монеаи бузурге мебошад.
Манбаъ: ozodagon.tj
Нет комментариев