Паҳлавонони шинохтаи тоҷик дар Мусобиқаи байналмилалии Гран-прии дзюдо, ки рӯзҳои 6-8 апрел дар шаҳри Анталияи Туркия баргузор мешавад, ширкат мекунанд.
Тавре аз Федератсияи дзюдои Тоҷикистон иттилоъ доданд, дар ин мусобиқаи байналмилалӣ ширкати 350 нафар варзишгарон аз 52 кишвар дар назар аст.
Бояд зикр кард, ки дастаи мунтахаби Тоҷикистонро дар ин чорабинии бонуфуз шаш варзишгар: Наврӯз Каримзод дар вазни 66 кг, Беҳрӯзи Хоҷазода, Мирзоҷамил Рамазонов, ҳарду дар вазни 73 кг, Акмал Муродов дар вазни 81 кг, Комроншоҳи Устопириён дар вазни 90 кг ва Саидҷалол Саидов дар вазни 100 кг намояндагӣ мекунанд.
Манбаъ: Сомонаи расмии АМИТ «Ховар»
Нет комментариев