Федератсияи байналмилалии ҷудо хабар додааст, ки Чемпионати ҷаҳон оид ба ҷудо дар соли 2024 аз 19 то 24 май дар Абузабӣ (Амороти Муттаҳидаи Арабӣ) баргузор мешавад.
Амороти Муттаҳидаи Арабӣ солҳои зиёд шарики муҳими Федератсияи байналмилалии ҷудо буда, аз соли 2009 аввалин Гран-прии Абузабиро баргузор намуд, ки баъдан ба Гранд-слам табдил ёфт. Моҳи октябри соли 2023 Абузабӣ мизбони Чемпионати ҷаҳон байни собиқадорон буд.
Чемпионати ҷаҳон мусобиқаи асосӣ барои дарёфти роҳхат ба Олимпиадаи Париж мебошад. Варзишгарони беҳтарин аз саросари ҷаҳон барои пирӯзӣ ва мустаҳкам намудани мавқеяшон дар Бозиҳои олимпӣ дар он иштирок менамоянд.
Манбаъ: АМИТ «Ховар»
Нет комментариев