Сафири Ҷумҳурии Тоҷикистон дар Ҷумҳурии Ҳиндустон Султон Раҳимзода бо Вазири давлатии энергетика, энергияи нав ва таҷдидпазири Ҳиндустон Раҷ Кумар Сингҳ 20 ноябр мулоқот намуд.
Дар мулоқот масъалаҳои ҳамкорӣ миёни ду давлат дар соҳаи энергетика, аз ҷумла иштирок дар баҳрабардорӣ аз имконоти гидроэнергетикии Тоҷикистон ва рушди баъдии соҳаи саноат тавассути лоиҳаҳои сармоягузорӣ, татбиқи лоиҳаҳо дар соҳаи неруи таҷдидпазир, хусусан неругоҳҳои хуршедӣ, табодули таҷриба ва омода намудани мутахассисон баррасӣ шуданд.
Ҷонибҳо мавҷуд будани зарфиятҳои бузургро дар самтҳои баррасигардида зикр намуда, алоқамандии худро ба густариши бештари ҳамкорӣ дар ин замина иброз намуданд.
Манбаъ: АМИТ «Ховар»
Нет комментариев