Дар соҳаи тибби вилоят рӯйдоди муҳими ба вуқӯъ пайваст. Нахустин маротиба дар беморхонаи клиникавии № 1-и маркази вилоят ба сокини ноҳияи Ғончӣ Фурқат Мансуров амалиёти ҷарроҳии пайваст намудани гурдаи модараш бомуваффаққият гузаронида шуд. Давоми як ҳафта мешавад номбурда дар шӯъбаи эҳё табобат гирифта, назар ба маълумоти табибон дар рӯзҳои наздик ба назди пайвандони худ бармегардад. Дирӯз муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода барои хабаргирии Фурқат Мансуров ба бемористон рафтанд. Масъулини Беморхонаи № 1-и шаҳри Хуҷанд иттилоъ доданд, ки ҷарроҳии мазкур давоми 6 соат аз ҷониби табибони Маркази пайваст намудани узвҳо ва бофтаҳои шаҳри Душанбе иҷро гардид ва нахустин амалиёти пайваст намудани гурдаи инсон бомуваффақият гузашт. Дар ин бора аз хадамоти матбуотии Раиси вилоят иттилоъ доданд.
Мулоқоти ҳайатҳои расмии Тоҷикистону Ӯзбекистон доир гардид
24 апрел Сарвазири Ҷумҳурии Ӯзбекистон Абдулло Орипов бо сафари корӣ ба Ҷумҳурии Тоҷикистон ташриф овард, хабар медиҳад АМИТ «Ховар». Сарвазири Ҷумҳурии Ӯзбекистон Абдулло Ориповро дар Фурудгоҳи байналмилалии Хуҷанд Сарвазири Ҷумҳурии Тоҷикистон Қоҳир Расулзода истиқбол гирифт. Мулоқоти хоссаи роҳбарони ҳайатҳои расмӣ ва мулоқоти ҷонибҳо ...
Нет комментариев