Корхонаи муштараки Тоҷикистон ва Чин «Хуаксин Ғаюр Семент» дар ноҳияи Ёвон ба маблағи беш аз 120 миллион сомонӣ семент содир намуд. Дар ин бора зимни нишасти матбуотӣ раиси ноҳияи Ёвон Ҷамшед Саидзода хабар дод.
«Бо сабаби пандемияи коронавирус мутахассисони хориҷӣ озими ватани худ шуданд, аммо ин маънои онро надорад, ки бидуни онҳо мо кор карда наметавонем ва истеҳсолотро бозмедорем. Дар корхонаи сементи мо айни замон мутахассисони маҳаллӣ, ки технологияҳои истеҳсолиро омӯхтаанд, кор мекунанд. Истеҳсоли семент на кам, балки зиёд шуд», — зикр карда шуд зимни нишасти матбуотӣ.
«Хуаксин Ғаюр Семент» яке аз корхонаҳои пешгоми соҳаи тавлиди семент дар Тоҷикистон аст ва маҳсулоти худро асосан ба Афғонистон, Қирғизистон ва Ӯзбекистон содир мекунад.
Нет комментариев