Дар Театри тамошобини ҷавони ба номи М. Қосимов- «Аҳорун» нахустнамоиши намоишномаи «Симурғ ва Золи Зар» аз рӯи достони безаволи «Шоҳнома»-и Фирдавсӣ намоиш дода шуд. Ба гуфтаи коргардони театри «Аҳорун» Некқадам Шоназаров тамоми намоишномаҳои театри «Аҳорун» аз рӯзи аввали таъсис миллию классикӣ буд. Бинобар ин ҳунармандону коргардони театр тасмим гирифтанд аз рӯи достонҳои «Шоҳнома» барои кӯдакон низ намоишномаҳо таҳия намоянд. «Тавре ки медонем, имрӯз наврасон «Шоҳнома»-ро дар синфҳои болоӣ аз худ мекунанд. Мақсади мо он буд, ки кӯдакон аз боғча ва аз синфи ибтидоӣ дар бораи асарҳои «Шоҳнома» ва қаҳрамонҳои асосии он тасаввурот пайдо намоянд. Достонҳои Фирдавсӣ худ драматургияи тайёранд, бинобар ин бо таклифи директори театр С. Қосимова достони «Симурғ ва Золи Зар»-и Фирдасиро мо интихоб намуда, имрӯз пешкаши тамошобинон намудем. Мо дар оянда мехоҳем силсиланамоишномаҳоро аз рӯи «Шоҳнома»-и Фирдавсӣ идома диҳем. Ман чун коргардон умед дорам, ки ин иқдоми мо натиҷаи хуб медиҳад. Кормандони театри «Аҳорун» нақша доранд дар оянда силсиланамоишномаҳояшонро аз рӯи асари «Шоҳнома»-и безаволи Фирдавӣ идома диҳанд. Дар ин бора khovar.tj хабар медиҳад.
Джон Даллер: от мигранта до восходящей звезды
Обычный таджикский парень, который просто любил петь, стал новым проектом российского шоумена Дениса Ковальского. Благодаря невероятной харизме и таланту он уже стал новоиспеченной «звездой» российского ...
Нет комментариев