Раиси вилояти Суғд, Раиси Федератсияи футболи вилоят Раҷаббой Аҳмадзода мураббиёни клуби футболи «Хуҷанд»-ро ба ҳузур пазируфт.
Тавре маълумот дода шуд, ба вазифаи сармурабии дастаи футболи «Хуҷанд» Рустам Хоҷаев таъин гардида, ӯ қабл аз ин ҳам дар ин вазифа фаъолият бурдааст.
Дар гузашта бо роҳбарии Рустам Хоҷаев дастаи «Хуҷанд» медалҳои нуқраи қаҳрамонии кишварро соҳиб шуда, барандаи Ҷоми Тоҷикистон низ шудааст.
Раиси вилоят ба ситоди мураббиёни даста ҷиҳати беҳтар намудани нишондодҳо, дар сатҳи баланд омода намудани бозингарон ба қаҳрамонии лигаи олӣ ва дигар мусобиқаҳои минтақавию байналмилалӣ супоришҳо дод.
Ҳамзамон барои таъмини иҷрои дастуру супоришҳои Президенти Федератсияи футболи Тоҷикистон муҳтарам Рустами Эмомалӣ, дар сатҳи зарурӣ омода намудани варзишгоҳҳо, мусоидат ба рушди футбол дар назди масъулин вазифагузорӣ карда шуд.
Манбаъ: ТВ-Варзиш
Нет комментариев