Имрӯз, 16 ноябр, дар саросари минтақаҳои Тоҷикистон ҳавои камабру бебориш дар назар буда, дар кӯҳсор борон ва дар баъзе ҷойҳои он барф борида, ҳаво рӯзона дар водиҳо 6 — 8 дараҷа гарм шуда, шамол аз самти шимолу шарқ мӯътадил мевазад. Шабонарӯзи 17 ноябр ҳаво камабр шуда, ҳарорати ҳаво шабона 3 — 5 дараҷа ва рӯзона 9 — 11 дараҷа гарм мешавад. Шабонарӯзи 18 ноябр ҳаво шабона 10 — 12 ва рӯзона 12 — 14 дараҷа гарм шуда, шамол аз самти шимолу шарқ мӯътадил мевазад.
19 ва 20 ноябр ҳавои тағйирёбанда ва борони кӯтоҳмуддат дар назар аст. Ҳаво шабона 10 — 12 дараҷа ва рӯзона 12 — 14 дараҷа гарм мешавад.
Дар ин рӯзҳо ҳарорати ҳаво дар ноҳияҳои тобеи ҷумҳурӣ шабона 3 — 4 дараҷа, рӯзона 10 — 12 дараҷа гарм, дар вилояти Хатлон шабона 3 — 5 дараҷа ва рӯзона 9 — 12 дараҷа гарм, дар вилояти Суғд шабона 2 — 3 дараҷа ва рӯзона 8 — 11 дараҷа гарм, дар ғарби ВМКБ шабона 2 — 3 дараҷа ва рӯзона 7 — 9 дараҷа гарм, дар шарқи он шабона 0 — 5 дараҷа хунук ва рӯзона 2 — 4 дараҷа гарм, дар шаҳри Душанбе шабона 3 — 5 дараҷа ва рӯзона 9 — 14 дараҷа гарм мешавад.
Манбаъ: http://khovar.tj/
Нет комментариев