Коршиносони рус, ки барои пешрафти соҳаи тиб саъю талош меварзанд, тавонистанд сохти организми инсон ва кори узвҳои дохилии онро бо назардошти миллионҳо параметрҳо, ба таври дақиқ тасвир намоянд. Барои ин кор, ба кормандони Донишгоҳи давлатии ба номи Лобачевский, зарурати дастрасӣ ба иқтидори абаркомпютери «Лобачевский» пайдо гардид.  Дар он «намуна» (клон )-и  рақамӣ нигоҳ дошта мешуд, ки пурра ба организми ҳақиқӣ, то охирин рагҳои хунгард монандӣ дошт.

Дар назар аст, ки организми виртуалӣ ба духтурон имконияти озмудан ва бо усулҳои гуногун табобат карданро медиҳад, ки он ба  саломатии бемор ягон хатар нахохад расонид. Ҳамчунин ин тадбир имконият медиҳад, ки табибон қарорҳои мувофиқро  ҷустуҷӯ намуда, дар муддати кӯтоҳ  саломатии беморро «барқарор» созанд.

Тадқиқоти мазкур дар ҳақиқат ҳам таъсирбахш аст. Масалан, барои барномасозии дили рақамӣ, ҳангоми даровардани тасҳеҳ ба кори он дар асоси параметрҳои физиологӣ ва натиҷаҳои тадқиқоти аввалин, қариб 50 миллион параметрҳои гуногун ба инобат гирифта шудааст. Духтурон, дар баробари дидани  тағйиротҳои рақамӣ дар организми инсон, ки дар экрани мониторҳояш намудор мешавад, метавонанд пайдоиши таъсири манфиро, ки боиси табобати нодурусти «организми сунъӣ»  гардидааст муайян намуда, бартараф созанд.

Қобили зикр аст, ки чунин як моделиронии дақиқ, вақте ки дар маърази хатар ҳаёти беморон меистад ва ҳар гуна хатогиҳо метавонад ба саломатии шахси воқеӣ таъсир расонад, тавонист пас аз насбкунии компютери олии «Лобачевский»  дар донишкада соли 2014 амалӣ гардад. Ин компютер, ба қатори сад компютерҳои тавонои ҷахон дароварда шуд.

Сарчашма:  matrix-tv.tj