Рӯзи гузашта дар бинои Кохи матбуоти шаҳри Хуҷанд ба муносибати Рӯзи умумиҷаҳонии об, ки ҳамасола санаи 22-юми март таҷлил карда мешавад, конфронси вилоятии илмӣ-амалӣ таҳти унвони «Об — сарвати бебаҳои табиат» баргузор гардид.
Дар конфронс кормандони Раёсати ҳифзи муҳити зисти вилоят, омӯзгорону донишҷуёни донишгоҳҳо ва дигар коршиносони соҳа иштирок намуданд. Иштирокчиён дар мавзӯи об ва ҳифзу эҳтиёти он баромадҳои муфид ва муассир
карданд. Сармутахассиси Раёсати ҳифзи муҳити зисти вилоят Хуршед Саидов ва дигарон дар масъалаи захираи оби нӯшокии кишвар ва ҷаҳон ҳарф зада, масъалаҳои нави ҳалталабро ба миён гузоштанд. Зикр гардид, ки ҳар фарди ватандӯсту инсонпарвар вазифадор аст обро чун сарвату сарчашмаи ҳаёт пок нигоҳ дорад ва ба исрофкорӣ ҳаргиз роҳ надиҳад.
Шодмон Ашӯров,
Медиапортали «Тироз»
Нет комментариев