13 май дар Душанбе дар ҳошияи ҷаласаи Шӯрои вазирони корҳои хориҷии Иттиҳоди Давлатҳои Мустақил мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Беларус Владимир Макей баргузор гардид, хабар медиҳад АМИТ «Ховар» бо истинод ба Вазорати корҳои хориҷии ҶТ .
Мусоҳибон вазъ ва дурнамои муносибатҳои Тоҷикистону Беларусро баррасӣ карда, перомуни масъалаҳои мубрами рӯзномаи байналмилалӣ ва минтақавӣ табодули афкор намуданд.
Вазирон ҳамчунин масъалаҳои омодагӣ ба ҷаласаи навбатии Комиссияи байниҳукуматии ҳамкории тиҷоратӣ ва иқтисодии Тоҷикистону Беларусро, ки моҳи июни соли 2022 дар Минск дар назар аст, муҳокима намуданд.
Манбаъ: АМИТ «Ховар»
Нет комментариев