Дар пойтахти Қатар- шаҳри Давҳа Сарвазири Давлати Қатар Шайх Абдуллоҳ бин Носир бин Халифа Оли Сонӣ Прокурори генералии Ҷумҳурии Тоҷикистон Юсуф Раҳмонро, ки бо сафари расмӣ дар Қатар қарор дорад, ба ҳузур пазируфт. Дар ин хусус ба АМИТ «Ховар» аз Прокуратураи генералии Ҷумҳурии Тоҷикистон иттилоъ доданд.
Дар заминаи татбиқи амалии натиҷаҳои боздидҳо ва музокироти раҳбарони олии Тоҷикистон ва Қатар зимни мулоқот рушди бемайлони робитаҳои дуҷониба ва фаъолшавии ҳамкории самаранок дар соҳаҳои мухталиф таъкид гардид.
Дар ин робита изҳори боварӣ карда шуд, ки тавсеаи робитаҳои кории прокуратураҳои генералии ду давлат дар таҳкими минбаъдаи ҳамкории судманд ва созандаи Тоҷикистон ва Қатар саҳми назаррас хоҳад гузошт.
Ҳамзамон мусоҳибон атрофи як зумра масъалаҳои мавриди таваҷҷуҳи тарафайн табодули назар намуданд.
Манбаъ:АМИТ Ховар
Нет комментариев