Дар соли оянда бунёди муҷассамаи ёдгорӣ барои қурбониёни садамаи нерӯгоҳи атомии барқии Чернобил дар яке аз мавзеҳои шаҳри Хуҷанд пешбинӣ гардидааст.
Лозим ба ёдоварист, ки аз шаҳри Хуҷанд 120 нафар барои бартараф намудани садамаи неругоҳи атомӣ ба шаҳри Чернобил сафарбар гардида, 32 нафари онҳо маюбӣ якумра ба ҳисоб мераванд. Дар баробари ин 16 оила бе саробон монда, то имрӯз 52 нафар аъзои Ҷамъияти «Иттифоқи Чернобил»-и маркази вилоят ҳастанд.
Зимнан, бо мақсади қадршиносӣ аз ҷасорату мардонагии иштирокчиён ва посдории хотираи қурбониёни бартарафкунии садамаи нерӯгоҳи барқи атомии Чернобил санаи 26-уми апрели соли ҷорӣ дар қаламрави вилоят рӯзи ёдбуди бартарафкунандагони садамаи нерӯгоҳи барқи атомии Чернобил гузаронида мешавад.
Дар ин бора sugd.tj иттилоъ медихад.
Нет комментариев