Ба бозигарон, ҳайати мураббиён, маъмурият ва роҳбарияти дастаи “Хуҷанд” барои ишғоли зинаи дуюм дар Лигаи олии Тоҷикистон-2021 медалҳои нуқраи мусобиқа супорида шуд. Маросими тантанавии супоридани медалҳо 28-уми декабр, дар маҷмааи “Кохи Суғдиён” дар шаҳри Хуҷанд баргузор гардид.
Медалҳоро ба намояндагони даста раиси вилояти Суғд, роҳбари Федератсияи футболи Суғд Раҷаббой Аҳмадзода ва директори генералии Лигаи футболи Тоҷикистон Сайвалӣ Шоқурбонов супориданд. Раиси вилоят дастаи “Хуҷанд”-ро бо ин муваффақият ва барои ба даст овардани Ҷоми Тоҷикистон дар соли 2021 муборакбод намуда, барору комёбӣ дар мавсими нав хост.
Дар баробари ҳайати асосии даста, инчунин ҳайати ҷавонони “Хуҷанд” барои ғалаба дар мусобиқаи ҳайатҳои ҷавонони дастаҳои Лигаи олӣ-2021 қадрдонӣ шуданд.
Манбаъ: Варзиш-тв
Нет комментариев