Бо қарори Бюрои Кумитаи иҷроияи Федератсияи футболи Тоҷикистон макони баргузории бозӣ барои Суперҷоми Тоҷикистон-2023 байни дастаҳои «Истиқлол»-и Душанбе ва «Равшан»-и Кӯлоб аз Хуҷанд ба Ҳисор иваз карда шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
«Сабаби кӯчонидани бозӣ барои Суперҷоми мамлакат омода набудани чамани варзишгоҳи «20-солагии Истиқлолияти Тоҷикистон» мебошад», — таъкид намуданд дар Федератсия.
Варзишгоҳи марказии Ҳисор макони нави баргузории бозӣ интихоб шуд.
Бозӣ байни бошгоҳҳои «Истиқлол»-и пойтахт ва «Равшан»-и Кӯлоб 6 май, соати 18:00 оғоз мегардад.
Манбаъ: АМИТ «Ховар»
Нет комментариев